ट्विटरचे मालक एलाॅन मस्क ट्विटर संदर्भात वेगवेगळे निर्णय घेत आहे. ट्विट वाचण्यासंदर्भातील निर्णयानंतर आता ट्विटरने युजर्ससाठी पिक्चर-इन-पिक्चर (picture-in-picture) फिचर आणले आहे. ट्विटरवर iSoftware अपडेट्सद्वारा हा व्हिडिआे शेअर करण्यात आला आहे.
या अ‍ॅपमध्ये व्हिडीओ प्ले केल्यांनतर होम स्क्रीनवर गेल्यानंतरही व्हिडीओ प्ले होत राहणार आहे. हे फंक्शन युट्युब आणि व्हॉट्सअ‍ॅपवर ज्या पद्धतीने चालते तसेच काम करणार आहे. या नवीन पिक्चर-इन-पिक्चर फिचरच्या मदतीने ट्विटर युजर्स व्हिडीओ पाहत असताना अन्य Apps चा वापर करू शकणे साेपे हाेणार आहे. .
ट्विटर हळूहळू हे फिचर रोलआऊट करत आहे. हे फिचर प्रत्येक डिव्हाइसपर्यंत पोचण्यास थोडा कालावधी लागू शकतो. ट्विटरने पिक्चर-इन-पिक्चर हे फिचर सध्या iOS वापरकर्त्यांसाठी रोलआऊट केले आहे.
जगभरातील ट्विटर युजर्सना काही दिवसांपूर्वी मायक्रोब्लॉगिंग वेबसाईटवर समस्यांचा सामना करावा लागला होता. वापरकर्त्यांना त्यांच्या फिडमध्ये ट्विट पाहू शकत नव्हते. याआधी सोशल मीडिया साईटवरदेखील temporary emergency measure देखील लागू करण्यात आले होते. आता त्यात बदल झाले आहेत. आता ट्विट पाहण्यासाठी युजर्सकडे अकाउंट असणे आवश्यक आहे.
