रक्षाबंधन हा हिंदू धर्मातील सणापैकी एक. श्रावण महिन्यात हा सण उत्साहात साजरा हाेताे. रक्षाबंधन हा सण श्रावण महिन्यात पाैर्णिमेला साजरा करतात. श्रावण पाैर्णिमा किंवा रक्षाबंधन हा सण 10 ते 15 ऑगस्ट दरम्यान येताे. परंतु यावर्षी श्रावण महिन्यात अधिक महिना आहे. यामुळे श्रावण एक ऐवजी दाेन महिन्यांचा असेल. श्रावण 18 जुलैपासून सुरू हाेईल आणि 15 सप्टेंबरला संपेल. अशा प्रकारे रक्षाबंधन नेहमीपेक्षा सुमारे 15 दिवस उशिराने साजरा केला जाईल. एवढेच नाही, तर रक्षाबंधन एका ऐवजी दाेन दिवस साजरा केला जाईल. एवढेच नाही, तर रक्षाबंधनाच्या दिवशीही भाद्रा येणार आहे.
हिंदू तिथीप्रमाणे यावर्षी श्रावण महिन्याची पाैर्णिमा 30 ऑगस्ट राेजी सकाळी 10.58 ते 31 ऑगस्ट राेजी सकाळी 7.58 पर्यंत सुरू आहे. अशाप्रकारे, रक्षाबंधन साजरा करणअयाचा शुभ मुहूर्त 30 ऑगस्टला सकाळी 10.58 वाजल्यापासून सुरू हाेताे आणि 31 ऑगस्टला सकाळी 7.58 पर्यंत चालू राहिल. म्हणजेच रक्षाबंधन दाेन्ही दिवशी साजरे करता येईल. पण 30 ऑगस्टच्या सकाळी 10.58 वाजता भद्रा सुरू हाेईल आणि 30 ऑगस्टच्या रात्री 9.15 वाजता संपेल. त्यामुळे 30 ऑगस्टला रात्री 9.01 ते दुसर्या दिवशी सकाळी 7.05 पर्यंत बहिण आपल्या भावाला राखी बांधू शकतील.
धार्मिक शास्त्रानुसार भद्रकाल हे शुभ कार्य करण्यासाठी अशुभ मानले गेले आहे. भाद्र काळात केलेले शुभ कार्यही अशुभ फळ देते. म्हणून भद्रामध्ये राखा बांधण्यास सक्त मनाई करण्यात आली आहे. भाद्र काळात रावणाच्या बहिणीने त्याला राखी बांधली हाेती आणि त्याचवर्षी भगवान रामाने लंकापती रावणाचा वध केला हाेता, अशी कथा आहे.
