टेलिव्हिजनवर अधिराज्य गाजविणारी मालिका क्वीन एकता कपूर ही पुन्हा एकदा वादात अडकली आहे. ‘अल्ट बालाजी’, या ओटीटी प्लॅटफाॅर्ममुळे ती वादात अडकली आहे. गंदी बात या वेब सीरिजच्या सहाव्या सीझनमुळे एकता कपूरवर टीका हाेत आहे.
या सीझनचे पाेस्टर सध्या समाज माध्यमांवर वेगाने व्हायरल हाेत आहे. हे पाेस्टर देवी लक्ष्मीचा अपमान केल्याचा दावा काही लाेकांनी केला आहे. या पाेस्टरमध्ये स्त्री पाठमाेरी दाखवली आहे, तिचा साडीचा पदर खाली केलेला आहे. ताे तिच्या कंबरेजवळ कमळाचे फूल दाखविण्या आले आहे. शिवाय पाेस्टरच्या दाेन्ही बाजूला माेराचे चित्र आहे.
हे पाेस्टर लक्ष्मीच्या प्रतिमेजवळ जाणारे असल्याचे दिसत असल्याने त्यावर प्रचंडी टीका हाेऊ लागली आहे. लाेकांनी #BanEktaKapoor, #BanAltBalaji हे हॅशटॅगचा वापर करत याचा निषेध केला जात आहे. एका युजरने याबद्दल ट्विट केले आहे की, “अल्ट बालाजी हा एकता कपूरचा प्लॅटफाॅर्म आहे. यांच्या नावात बालाजी आहे, पण कामं फारच वाह्यात आहेत. त्यांच्या प्लॅटफाॅर्मवर संपूर्ण साॅफ्ट पाॅर्न कंटेंट आपल्याला पाहायला मिळताे. आता तर त्यांनी कहर केलाय. एका महिलेला मादक दाखविण्यात आले आहे. तिला कमळावर बसवले असून, त्यांनी हे थम्बनेल तयार केले आहे. हे फक्त मलाच आपत्तीजनक वाटतंय की, तुम्हालाही तसंच वाटतंय?”
“या पाेस्टरला विराेध दर्शवायला सुरवात केली आहे. या बाॅलीवूड गॅंगला केवळ आपल्या संस्कृतीचा अपमान करता येताे,” असे एका युजरने ट्विट करत लिहिले आहे. प्रेक्षकांच्या या पाेस्टर प्रतिक्रिया फार संतप्त आहेत.
एकता कपूरने मध्यंतरी या प्लॅटफॉर्मवरील एका सीरिजमध्ये भारतीय सैन्याबद्दल काही आक्षेपार्ह गोष्टी दाखवल्यामुळे त्यावर देखील जोरदार टीका झाली होती. आताही या ओटीटीवरील अशाच एका वेब सीरिजमुळे एकता कपूर पुन्हा चर्चेत आली आहे. ‘अल्ट बालाजी’च्या ‘गंदी बात’ या वेब सीरिजचा एक मोठा चाहतावर्ग आहे. ग्रामीण भागातील काही आंबटशौकिन कथा या वेब सीरिजमधून मांडल्या जातात.
