Municipal Labor Union ः महापालिका कामगार युनियनचे पदाधिकारी यांची बैठक नुकताच झाली. युनियनचे अध्यक्ष अनंत लोखंडे यांनी घरगुती कारणास्तव अध्यक्ष पदावर काम करताना अडचणी येत आहे, सांगून अध्यक्षपदापासून दूर झाले. यामुळे जितेंद्र सारसर आणि बाबासाहेब मुदगल यांची महापालिका कामगार युनियनच्या प्रभारी अध्यक्ष म्हणून निवड केली आहे.
श्रमिक कार्यालय येथे जनरल सेक्रेटरी आनंद वायकर यांच्या अध्यक्षतेखाली बैठक झाली. या बैठकीमध्ये कामगार युनियनचे अध्यक्ष अनंत लोखंडे यांनी घरगुती कारणास्तव अध्यक्ष पदावर काम करण्यास नकार दिला. परंतु महापालिका कामगारांचे कोणतेही प्रश्न प्रलंबित राहता कामा नये, अशी भावना देखील व्यक्त केली. लोकसभेसाठी आदर्श आचारसंहिता सुरू आहे. यामुळे कामगार युनियनची सर्वसाधारण सभा आयोजित करणे शक्य नाही. कामगार युनियनचे सरचिटणीस आनंदराव वायकर यांच्याकडे महापालिकेबरोबर राज्य साखर कामगारांचे देखील काम आहे. यामुळे युनियनचे अध्यक्ष पद जास्त काळ रिक्त ठेवता येणार नाही.
यातून मार्ग काढत युनियन पदाधिकारी यांनी घटनेतील तरतुदीनुसार जितेंद्र सारसर व बाबासाहेब मुदगल यांची महापालिका कामगार युनियन प्रभारी अध्यक्षपदी निवड केली. कार्याध्यक्ष दीपक मोहिते, नंदू नेमाने, राहुल ससाने, बलराज गायकवाड, महादेव कोतकर, उपाध्यक्ष प्रकाश साठे, विजय कोतकर, अंतवन क्षेत्रे, सागर साळुंखे, अमोल लहारे, बाळासाहेब व्यापारी, अजित तारू, सखाराम पवार, बाबासाहेब राशिनकर, राजू वाघमारे, बैजू साठे, प्रफुल्ल लोंढे, अजय सौदे उपस्थित होते.
महापालिका कामगार युनियनच्या प्रभारी अध्यक्षपदी जितेंद्र सारसर व बाबासाहेब मुदगल यांची निवडीबद्दल आमदार संग्राम जगताप यांच्या वतीने सत्कार करण्यात आला. आमदार संग्राम जगताप यांनी महापालिका कर्मचाऱ्यांचे दैनंदिन विविध प्रश्न असतात. ते सोडवण्याचे काम संघटनेने करावे. महापालिका कर्मचारी हे नगर शहरातील स्वच्छता, आरोग्य, पाणीपुरवठा, दिवाबत्ती आधी मूलभूत प्रश्नांपासून कामे मार्गी लावत असतात. त्यांचे प्रश्न तातडीने मार्गी लागणे गरजेचे आहे. प्रभारी अध्यक्षांनी महापालिका अधिकारी कर्मचारी यांचे प्रश्न मार्गी लावावे असेही ते म्हणाले.
