पंतप्रधानांविषयी काय बाेलून गेला KGF स्टार यश!

KGF स्टार यशने बेंगळुरूमध्ये पंतप्रधान नरेंद्र मोदी यांची भेट घेतली. यश व्यतिरिक्त पीएम मोदींनी कांतारा फेम ऋषभ शेट्टी आणि दिवंगत अभिनेता पुनीत राजकुमारची पत्नी अश्विनी पुनीत राजकुमार यांचीही भेट घेतली. पीएम मोदींना भेटल्यानंतर यश खूप खूश आहे. भेटीनंतर त्यांनी पीएम मोदींसोबत झालेल्या संवादाची माहिती दिली.
यश म्हणाला, “मी खूप आनंदी आहे. त्यांनी धीराने आमचे म्हणणे ऐकून घेतले आणि चित्रपटसृष्टीबद्दलच्या त्यांच्या व्हिजनबद्दल बोलले. त्यांनी आम्हाला आमच्या अपेक्षा, आम्ही काय शोधत आहोत, सरकारकडून आम्हाला काय अपेक्षा आहेत, एक उद्योग म्हणून आम्ही देशासाठी काय करू शकतो याबद्दल विचारले. त्याला इंडस्ट्रीबद्दल किती माहिती आहे हे पाहून मी प्रभावित झालो”. पंतप्रधानांनी चित्रपट उद्योगाला सॉफ्ट पॉवर म्हटले. त्यांच्याकडे इंडस्ट्रीची मोठी दृष्टी आहे, त्यांनी आमच्या कामाचे कौतुक केले. खूप छान अनुभव होता. नेहमीप्रमाणे आपले पंतप्रधान खूप प्रेरणादायी असल्याचे यश याने म्हटले आहे.