अहमदनगर येथील बुरुडगाव श्री क्षेत्र आशुतोष महादेव मंदिर येथे महाशिवरात्रीच्या पर्वानिमित्त अखंड त्रिदिनीय कीर्तन सोहळा व धर्मसभेचे आयोजन करण्यात आले आहे. 17 ते 20 फेब्रुवारी दरम्यान चार दिवस विविध धार्मिक कार्यक्रमाचे आयोजन करण्यात आले आले. यानिमित्ताने कालीचरण महाराज, जगद्गुरू शंकराचार्य विद्याशंकर भारती करवीर पीठाधीश्वर आणि महंत शंकर भारती प्रमुख म्हणून उपस्थित राहणार आहेत.
कालीचरण महाराज, जगद्गुरु शंकराचार्य विद्याशंकर भारती करवीर पीठाधीश्वर आणि महंत शंकर भारती शुक्रवार (दि.17) दुपारी 12 वाजता उपस्थितीत राहणार आहेत. माळीवाडा बसस्थानक येथील छत्रपती शिवाजी महाराज पुतळ्यापासून ते बुरुडगाव पर्यंत मोटरसायकल रॅलीचे आयोजन करून धर्मसभेला प्रारंभ होणार आहे. या धर्मसभेत सहभागी होण्याचे आवाहन बुरुडगाव ग्रामस्थांनी केले आहे.
