Nagar News : भारत सरकारवतीने आझादी का अमृत महोत्सवाच्या निमित्ताने खास महिला व मुलीकरिता महिला सन्मान बचतपत्र ही योजना १ एप्रिल २०२३ पासून देशभरातील सर्वच पोस्ट ऑफिसमधून सुरू करण्यात आली होती. नगर शहरातील केडगाव पोस्ट ऑफिसद्वारे योजनेची नियोजनबद्ध प्रचार प्रसिद्धी करत, अधिकाधिक महिलापर्यंत योजनाची माहिती पोहोचवण्यात यश आले. आजपर्यंत ६०० महिलांची खाती उघडत, नगर पोस्टल विभागात केडगाव पोस्ट ऑफिस अग्रेसर असून त्याद्वारे विक्रमी गुंतवणूक करण्यात यशस्वी ठरले.
महिला सन्मान बचतपत्र ही योजना महिला व मुलीचा सन्मान करणारी व सर्वाधिक व्याजदर देणारी योजना आहे.त्यामुळेच योजनेस महिलांचा भरघोस प्रतिसाद मिळत आहे. तरी यापुढे जास्तीत जास्त महिलांनी व मुलींनी या योजनेत सहभागी होत आपली गुंतवणूक करावी.
संतोष यादव,
पोस्टमास्तर केडगाव
केडगाव पोस्ट ऑफिसचे पोस्टमास्तर संतोष यादव व त्यांच्या संपूर्ण टीमने यासाठी पोस्ट ऑफिसमध्ये स्वतंत्र व्यवस्था करत, सातत्याने विविध ठिकाणी भेटी देत या योजनेची माहिती दिली. जागतिक महिलादिनाचे औचित्य साधत एकाच दिवशी ६२ महिलाद्वारे नवीन खाते उघडले गेले. यासर्व महिलांचा यथोचित गौरव करत, प्रातिनिधीक स्वरूपात काही महिलांना बचतपत्राचे वाटप डाक विभागाचे प्रवर अधीक्षक बी. नंदा यांच्या हस्ते, तर सहायक अधीक्षक संदिप हदगल, बाळासाहेब बनकर यांचे उपस्थितीत करण्यात आले.
योजनेच्या गुंतवणूकदार पूजा शेवाळकर, प्रज्ञा शर्मा, शुभांगी यादव, पंकजा धर्म, सारिका क्षीरसागर, योगिता रोकडे, रेखा पवार, अस्मिता कुलकर्णी, श्रावणी खानविलकर, द्वारका कोतकर, भावना शर्मा, मंदा साळवे, स्वाती पाचारणे, संगीता कांबळे, अनिता पवार, सुजाता कोतकर यांना बचतपत्राचे वितरण केले गेले.
महिला सन्मान बचत पत्र योजनेत केडगाव पोस्ट आॅफिसद्वारे सहभागी झालेल्या ६०० महिलांनी सहभागी होत सहा कोटी १८ लाख रुपये पेक्षा अधिक गुंतवणूक या योजनेत केली आहे. केडगाव पोस्ट आॅफिसचे पोस्टमास्तर संतोष यादव यांच्या मार्गदर्शनाखाली कार्यालयातील शुभांगी मांडगे, प्रियांका भोपळे या महिला कर्मचारी यांनी आपले विशेष योगदान दिले. तसेच गहिनीनाथ पालवे, डी. बी. कुलकर्णी, पंकजा धर्म, लता कोरे, संगीता शर्मा, वंदना संचेती, रेखा पावसे या महिला प्रधान अभिकर्ते यांच्या विशेष सहयोगाने आणि महेश क्षीरसागर, अंबादास सुद्रीक, शिवाजी कांबळे, संजीव पवार, सूर्यकांत श्रीमंदिलकर, अनिल धनावत, सुनील जाधव, सुनील रोकडे, प्रियांका वाळुंजकर या पोस्टमन यांनी नियमित टपाल वाटपाच्या कामासोबत या योजनेसाठी विशेष योगदान दिले.
योजनेची वैशिष्ट्ये
●योजना महिला व मुलीकरिता
●बचत पत्राची मुदत दोन वर्ष
●योजनेस व्याज दर ७.५% प्रतिवर्षी राहील.व्याज चक्रवाढ पद्धतीने असेल.
●एका महिलेच्या नावावर किंवा मुलीच्या नावावर तिचे पालक या योजनेचे बचत पत्र घेऊ शकतात.
●किमान गुंतवणूक एक हजार रुपये व कमाल गुंतवणूक रु दोन लाख पर्यंत कितीही बचत पत्र घेता येईल.
● दोन खात्यामध्ये किमान तीन महिन्याचे अंतर असले पाहिजे.
● एक वर्ष झाल्यानंतर खात्यातील ४०% ,रक्कम एकदाच काढता येईल.
●अपवादात्मक परिस्थितीशिवाय खाते मुदतपूर्व बंद करता येणार नाही.
