महाराष्ट्र राज्य बाजार समिती कर्मचारी संघ पुणे यांचा राज्यव्यापी कर्मचारी मेळावा आणि विशेष सर्वसाधारण सभा झाली. संघाचे अध्यक्ष सचिन सातपुते यांनी या सभेत माेठा लढा उभारणार असल्याचे जाहीर केले. बाजार समितीतील सर्व अधिकारी आणि कर्मचारी यांना राज्य सरकारच्या सेवेत समावून घेण्यासाठी लढा उभारणार असल्याचे त्यांनी जाहीर केले. यासाठी महाराष्ट्रातील 307 बाजार समित्यांमध्ये प्रबाेधन करणार असेही सचिन सातपुते यांनी सांगितले.
महाराष्ट्र राज्य बाजार समिती कर्मचारी संघ पुणे यांची नेप्ती उपबाजार समिती इथं राज्यव्यापी कर्मचारी मेळावा व विशेष सर्वसाधारण सभा झाली. उद्धव देवकर हे अध्यक्षस्थानी हाेते. नगर कृषी उत्पन्न बाजार समितीचे सहाय्यक सचिव सचिन सातपुते यांची महाराष्ट्र राज्य बाजार समिती कर्मचारी संघ पुणेच्या अध्यक्षपदी निवड करण्यात आली. यावेळी तुषार गायकवाड, संपतराव शिर्के, धनराज शिंपणे, वामनराव साळुंखे, राजू अत्तार, शिवाजी मगर, अभय भिसे, राजेंद्र लगड, सुरेश आढाव, पेन्शन योजनेचे अध्यक्ष डीडी शिनगारे, संजय काळे यांच्यासह महाराष्ट्र राज्यातून बाजार समितीचे कर्मचारी अधिकारी उपस्थित होते.
सचिन सातपुते म्हणाले, “बाजार समिती ही शेतकरी हितासाठी काम करत असून राज्यामध्ये 307 बाजार समिती आहे. यामध्ये सुमारे 10 हजार कर्मचारी आपले काम प्रामाणिकपणे करत आहे. मात्र कर्मचाऱ्यांचे विविध प्रश्न प्रलंबित आहे. बाजार समितीच्या शिपाईपासून ते सचिवापर्यंत कर्मचाऱ्याला महाराष्ट्र शासनाच्या सेवेत सामावून घेण्यासाठी शासन दरबारी पाठपुरावा करणार आहे”. याचबरोबर विविध प्रश्न प्रलंबित असून ते टप्प्याटप्प्याने आम्ही सर्वजण मिळून मार्गी लावू, असेही सचिन सातपुते यांनी सांगितले.
उद्धव देवकर यांनी या मेळाव्यासाठी राज्यभरातून मोठ्या संख्येने कर्मचारी उपस्थित आहे, यातच माेठे यश आले. सचिन सातपुते यांची अध्यक्षपदी निवड करण्यात आल्याने संघाला चांगले बळ मिळणार आहे. त्यांनी आता लवकरच राज्याची कार्यकारिणी जाहीर करावी.
