ज्येष्ठ अभिनेत्री वहिदा रेहमान यांना यंदाचा दादासाहेब फाळके जीवनगाैरव पुरस्कार जाहीर झाला आहे. केंद्रीय माहिती व प्रसारण मंत्री अनुराग ठाकूर यांनी पुरस्कार जाहीर झाल्याची घाेषणा केली.
मंत्री अनुराग ठाकूर यांनी समाज माध्यमांवर माहिती दिली. ते म्हणाले, “वहिदा रेहमान जी यांना भारतीय चित्रपटसृष्टीतील त्यांच्या अतुलनीय याेगदानाबद्दल यावर्षीचा प्रतिष्ठीत दादासाहेब फाळके जीवनगाैरव पुरस्कार प्रदान करण्यात येत आहे. याचा मला खूप आनंद हाेत आहे”.
I feel an immense sense of happiness and honour in announcing that Waheeda Rehman ji is being bestowed with the prestigious Dadasaheb Phalke Lifetime Achievement Award this year for her stellar contribution to Indian Cinema.
Waheeda ji has been critically acclaimed for her…
— Anurag Thakur (@ianuragthakur) September 26, 2023
मंत्री अनुराग ठाकरू यांनी वहिदा रहेमान यांच्या कामगिरीचा गाैरव या पाेस्टमध्ये केला आहे. गेल्यावर्षी हा मान ज्येष्ठ अभिनेत्री आशा पारेख यांना मिळाला हाेता. आता वहिदा यांना हा पुरस्कार देण्यात येणार आहे.
मंत्री अनुराग ठाकूर यांनी म्हटले की, “हिंदी चित्रपटांमधील भूमिकांसाठी वहिदा जी यांची नेहमीच समीक्षकांकडून प्रशंसा झाली आहे. त्यातील महत्त्वाचे सिनेमे म्हणजे ‘प्यासा’, ‘कागज के फूल’, ‘चौधवी का चाँद’, ‘साहेब बीवी और गुलाम’, ‘गाइड’, ‘खामोशी’ आणि इतरही अनेक”! पाच दशकांहून अधिक काळाच्या त्यांच्या कारकिर्दीत त्यांनी त्यांच्या भूमिका अत्यंत चोखंदळपणे साकारल्या आहेत, ज्यामुळे ‘रेश्मा’ आणि ‘शेरा’ या चित्रपटातील भूमिकांसाठी त्यांना राष्ट्रीय चित्रपट पुरस्कार मिळाल्याचे मंत्री अनुराग ठाकूर यांनी म्हटले आहे.
पद्मश्री आणि पद्मभूषण पुरस्कारप्राप्त वहिदा यांनी भारतीय नारीचे समर्पण, वचनबद्धता आणि सामर्थ्याचे उदाहरण दिले आहे. जी तिच्या कठोर परिश्रमाने व्यावसायिक उत्कृष्टतेची सर्वोच्च पातळी गाठू शकते, असेही मंत्री अनुराग ठाकूर यांनी आपल्या पाेस्टमध्ये म्हटले आहे.
