‘आदिपुरूष’ चित्रपट 16 जून 2023 राेजी बाॅक्स आॅफिसवर प्रदर्शित झाला. या चित्रपट वादांमुळेच चांगलाच गाजला. संवाद, व्हिएफएक्स, अभिनेता प्रभास, सैफ अली खान, क्रिती सेनाॅन यांचा अभिनय तसेच वेशभूषेवरून हा चित्रपटा चांगला ट्राेल झाला. या चित्रपटावर बंदी घालावी, अशी मागणी पंतप्रधान, गृहमंत्र्यांपर्यंत करण्यात आली. तसेच चित्रपटावर बंदी घालण्यासाठी न्यायालयापर्यंत धाव घेण्यात आली.
‘आदिपुरूष’ चित्रपटाने पहिल्या दिवशी चांगली कमाई केली. परंतु नंतर हा चित्रपट कलेक्शन करू शकला नाही. ‘आदिपुरुष’ चित्रपटावर ऑल इंडिया सिने वर्कर्स असोसिएशनने सुद्धा चित्रपटाच्या टीमविरुद्ध कारवाईची मागणी केली होती. ‘आदिपुरूष’ चित्रपट देशभरात साेशल मीडियावर सुरू असलेल्या वादामुळे अगाेदर पायरसी वेबसाईट्स आणि आता युट्यूबर लीक झाला आहे.
चित्रपटांची लिंक शनिवारी युट्यूबवर एचडी क्वालिटीद्वारे प्रदर्शित करण्यात आली हाेती. ‘आदिपुरूष’ लीक झाल्यावर या युट्युबच्या लिंकवर काही तासातच जवळपास 2.3 मिलियन (20 लाखांहून अधिक) युजर्सनी हा चित्रपट पाहिला. मात्र, त्यानंतर काही वेळातच ही लिंक बंद करण्यात आली. तसेच चित्रपट देखील युट्युबवरून काढून घेण्यात आला.
‘आदिपुरुष’चे लेखक मनोज मुंतशीर यांनी शनिवारीच चित्रपटातील संवादावरून देशभरातील समस्त जनतेची माफी मागितली हाेती. “भगवान हनुमानाचे आशीर्वाद सदैव आपल्याबरोबर आहेत. देव आपल्याला पवित्र सनातन आणि आपल्या महान देशाची सेवा करण्याचे सामर्थ्य देवो” असे ट्विट मुंतशीर यांनी केले आहे.
