अदानी समूहाला या अहवालाचा दिलासा…

कठीण काळातून जात असलेल्या अदानी समूहासाठी एक दिलासादायक बातमी आली आहे. मॉरिशसच्या नियामक वित्तीय सेवा आयोगाने (FSC) अदानी समूहाला क्लिन चीट दिली आहे. मॉरिशसच्या बाजार नियामकाने सांगितले की, त्याचा अंतर्गत अहवाल अद्याप आपल्या भारतीय समकक्षांशी सामायिक केलेला नाही. बिझनेस स्टँडर्डमध्ये प्रसिद्ध झालेल्या बातमीनुसार, मॉरिशसमधील अदानी समूहाशी संबंधित सर्व युनिट्सकडून मिळालेल्या प्राथमिक मूल्यांकनाच्या आणि माहितीच्या आधारे, आम्हाला आतापर्यंत नियमांचे उल्लंघन केल्याचा कोणताही पुरावा आढळलेले नाहीत.
सध्या, भारतीय बाजार नियामक सेबी अदानी समूह आणि दोन मॉरिशस-आधारित कंपन्या- ग्रेट इंटरनॅशनल टस्कर फंड आणि आयुष्मान लिमिटेड यांच्यातील संबंधांची चौकशी करत आहे. दोन्ही कंपन्यांमध्ये काेणत्याही नियमाचे उल्लंघन झालेले नाही.
शॉर्ट सेलर हिंडेनबर्गच्या अहवालानंतर अदानी समूहाच्या कंपन्यांचे बाजार भांडवल 50 टक्क्यांहून अधिक घसरले आहे. हिंडेनबर्ग यांनी त्यांच्या हवालात असा दावा केला आहे, अदानी समूह अनेक दशकांपासून स्टॉक मॅनिप्युलेशन आणि मनी लाँड्रिंगमध्ये गुंतला आहे. परंतु अदानी समूहाने एकतर हिंडेनबर्गने योग्य संशोधन केले नाही किंवा जनतेची दिशाभूल करण्यासाठी चुकीची तथ्ये मांडली असल्याचे म्हटले होते.