महाराष्ट्र शासनाच्या पर्यटन व सांस्कृतिक कार्य विभागाच्यावतीने देण्यात येणाऱ्या वृध्द साहित्यिक व कलाकार मानधन योजने अंतर्गत अहमदनगर जिल्हास्तरीय निवड समितीच्या बैठकीत जिल्ह्यातील 100 वृध्द साहित्यिक व कलावंतांच्या मानधनास मंजुरी देण्यात आली आहे. या योजनेचे सदस्य सचिव तथा जिल्हा परिषदेचे अतिरिक्त मुख्य कार्यकारी अधिकारी संभाजीराव लांगोरे आणि जिल्हा समाज कल्याण अधिकारी राधा किसन देव्हढे यांनी दिली.
या बैठकीस जिल्हास्तरीय निवड समितीचे अध्यक्ष नाना गागरे महाराज (राहुरी), सदस्य नवनाथ म्हस्के महाराज (राहाता), शाहीर निजाम शेख (श्रीगोंदा), राजश्री काळे (नगर), विकास गायकवाड महाराज (राहाता), महादेव झेंडे महाराज (श्रीगोंदा) आदी सदस्य उपस्थित होते. सदर योजनेसाठी जिल्हाभरातून 785 प्रस्ताव दाखल करण्यात आले होते. छाननी अंतर्गत 100 प्रस्तावांना मंजुरी देण्यात आली. यावेळी सहाय्यक लेखाधिकारी राघवेंद्र चव्हाण व कार्यालय अधीक्षक आर. ए. फंड उपस्थित होते.
