Hindenburg Report :भारतासह जगभरात अदानी-हिंडेनबर्ग प्रकरण सध्या चर्चेत आहे. अदानींच्या मुद्द्यावरून विरोधकांनी मोदी सरकारवर वर्चस्व गाजवले. केंद्रीय स्मृती इराणी यांनी आज पत्रकार परिषद घेऊन अमेरिकन उद्योगपती जॉर्ज सोरोस यांच्यावर सडकून टीका केली. भारताच्या लोकशाहीत ढवळाढवळ करण्याचा प्रयत्न होत असल्याचे स्मृती इराणी यांनी पत्रकार परिषदेत सांगितले. इराणी पुढे म्हणाल्या, “जॉर्ज सोरोसच्या केंद्रस्थानी असलेल्या परदेशी शक्तीने घोषित केले आहे की, ते भारताच्या लोकशाही संरचनेवर हल्ला करतील. पंतप्रधान मोदींना आपल्या हल्ल्याचा मुख्य मुद्दा बनवणार असल्याचे त्यांनी जाहीर केले आहे”.
केंद्रीय मंत्री स्मृती इराणी यांनी पत्रकार परिषदेत सांगितले की, “आज एक नागरिक म्हणून मी देशातील जनतेला आवाहन करू इच्छिते की, एक विदेशी शक्ती आहे ज्याच्या केंद्रस्थानी जॉर्ज सोरोस नावाची व्यक्ती आहे. त्यांनी भारताच्या लोकशाही रचनेला धक्का पोहोचवण्याची घोषणा केली आहे”. मी पंतप्रधान मोदींना आपल्या हल्ल्याचा मुख्य मुद्दा बनवणार असल्याची घोषणा केली आहे. त्यांनी जाहीर केले आहे की ते त्यांच्या परकीय सत्तेखाली, अशी व्यवस्था भारतात निर्माण करतील जी भारताचे नव्हे तर त्यांच्या हिताचे रक्षण करेल. जॉर्ज सोरोस यांच्या घोषणेला प्रत्येक भारतीयाने चोख प्रत्युत्तर दिले पाहिजे, असेही स्मृती इराणी म्हणाल्या.
