Ahmednagar corporation news : नगर महापालिकेच्या शहर पाणीपुरवठा योजनेवरील पंपहाउस, सबस्टेशन आणि मुख्य जलवाहिनी ठिकाणची महत्वाची दुरुस्ती होणार आहे. या कामासाठी नगर महापालिकेकडून बुधवार (ता. २०) सकाळी ११.०० वाजल्यापासून सायंकाळी पाच वाजेपर्यंत शट डाउन घेण्यात येणार आहे. दरम्यान या काळात मुळानगर, विळद येवून होणारा पाण्याचा उपसा बंद राहणार आहे. यामुळे नगर शहर पाणी वितरणासाठीच्या टाक्या भरता येणार नाही. परिणामी नगर शहरातील पाणीपुरवठा हा विस्कळीत राहणार आहे.
नगर शहरातील उपनगर बोल्हेगाव, नागापूर, सावेडी उपनगरातील गुलमोहररोड, पाईपलाईन रोड, लक्ष्मीनगर, सूर्यनगर, निर्मलनगर, मुकुंदनगर तसेच बुरूडगाव रोड, सारसनगर, कोठी, केडगाव, नगर-कल्याण रोडवरील शिवाजीनगर परिसर भागाला बुधवार (ता. २०) सकाळी ११.०० नंतरच्या पाणी वाटपाच्या भागास पाणीपुरवठा होणार नाही. सदरचा पाणीपुरवठा हा गुरुवारी (ता. २१) – होईल.
रोटेशननुसार पाणी वाटपाच्या नगर शहराच्या मध्यवर्ती भागास म्हणजेच मंगलगेट, रामचंद्राखुंट, झेंडीगेट, जिल्हाधिकारी कार्यालय परिसर, वाळमंडई, कालु बागवान गल्ली, धरती चौक, बंगाल चौकी, माळीवाडा, कोठी या भागात व गुलमोहर रोड, प्रोफेसर कॉलनी परिसर, सिव्हील हडको, प्रेमदान हाडको, टिव्ही सेंटर परिसर, म्यूनिसीपल हाडको, विनायक नगर, आगरकर मळा, स्टेशन रोड, कायनेटीका चौक परिसर भागात महापालिकेमार्फत गुरुवारी (ता. २१) पाणीपुरवठा करण्यात येणार नाही. या भागातील पाणीपुरवठा हा गुरुवारऐवजी शुक्रवारी (ता. २२) पाणी पुरवठा करण्यात येईल.
यामुळे शुक्रवारी (ता. २२) पाणीपुरवठा होवू घातलेल्या शहराच्या मध्यवर्ती भागास म्हणजेन सिध्दार्थनगर, लालटाकी, तोफखाना, दिल्लीगेट, नालेगाव, चितळेरोड, आनंदीबाजार, कापड बाजार, ख्रिस्त गल्ली, पंचपीर चावडी, जुने मनपा कार्यालय परिसर, माळीवाडा, बालिकाश्रम रोड परिसर, सारसनगर, बुरुडगांव रोड व सावेडी इत्यादी भागात महापालिकेमार्फत पाणीपुरवठा होणार नसून तो शनिवार (ता.२३) करण्यात येईल.
नगर शहरातील पाणीपुरवठा एक दिवस बंद करुन उपनगरात ज्या भागात जास्त दिवसाचे रोटेशन आलेले आहे, अशा भागात पाणीपुरवठा करण्याचा महापालिकेया मानस आहे. तरी नागरिकांनी याची नोंद घेवून असलेल्या पाण्याचा वापर काटकसरीने करावा, असे आवाहन महापालिकेने केले आहे.
