Nagar Political News ः नगरच्या सर्वांगीण विकासासाठी आम्ही गेल्या पाच वर्षांमध्ये काम केले असून, टप्प्याटप्प्याने विकासाच्या योजना मार्गी लावले आहे. खासदार सुजय विखे आणि महापालिकेच्या माध्यमातून मोठा निधी मंजूर झाला आहे. नियोजनबद्ध आणि दर्जेदार कामे मार्गी लावणे हे आमचे कर्तव्य आहे. निधी कागदावर न ठेवता नागरिकांना विश्वासात घेऊन प्रत्यक्ष प्रभागातील कामे मार्गी लावत असल्याचा आनंद माजी नगरसेविका आशा कराळे यांनी केले.
सावेडीतील प्रोफेसर कॉलनी येथील साधना हाउसिंग सोसायटीमध्ये माजी नगरसेविका आशा कराळे यांच्या पाठपुराव्यातून व खासदार सुजय विखे यांच्या प्रयत्नातून रस्ता कॉंक्रिटीकरण कामाचा प्रारंभ माजी महापौर बाबासाहेब वाकळे यांच्या हस्ते झाला. यावेळी माजी नगरसेविका आशाताई कराळे, माजी नगरसेवक मनोज दुल्लम, माजी नगरसेविका सोनाबाई शिंदे, तायगा शिंदे, करण कराळे, सतीश शिंदे, विमल राजदेव, सविता छाजेड, पूजा वाघ, हर्षदा डोळसे, राधिका हिवाळे, चंद्रकांत हिवाळे उपस्थित होते.
माजी महापौर बाबासाहेब वाकळे यांनी खासदार विखे यांच्या माध्यमातून प्रत्येकप्रभागातील विकास कामांसाठी मोठा निधी उपलब्ध करून दिला आहे. त्यानुसार शहरांमध्ये सर्वत्र विकासाची कामे सुरू आहे, असे सांगितले.
