Department of Social Justice and Assistance Department ः राज्य सरकारतर्फे देण्यात येणारा डॉ. बाबासाहेब आंबेडकर समाज भूषण पुरस्कार नगर शहरातील महापालिकेतील अभियंता परिमल निकम यांना जाहीर झाला आहे. यानिमित्ताने राष्ट्रवादी सामाजिक न्याय विभागाच्यावतीने त्यांचा सत्कार करण्यात आला. सामाजिक न्याय विभाग व सहाय्य विभाग महाराष्ट्र राज्य सरकारच्यावतीने मंगळवारी (ता. १२) नरिमन पॉर्इंट मुंबई येथील नॅशनल सेंटर फॉर परफॉर्मिंग आर्ट्स (एनसीपीए) जमशेदजी बाबा नाट्यगृहात होणाऱ्या पुरस्कार वितरण सोहळा होणार आहे.
सामाजिक न्याय विभागाचे सुरेश बनसोडे म्हणाले, “राज्य सरकारतर्फे देण्यात येणारा डॉ. बाबासाहेब आंबेडकर हा पुरस्कार महापालिकेचे अभियंता परिमल निकम यांना हा पुरस्कार जाहीर झाल्याबद्दल समाजामध्ये अभिमानास्पद बाब आहे. आमदार संग्राम जगताप यांच्यावतीने देखील शुभेच्छा देण्यात आले आहेत. परिमल निकम यांच्या हस्ते समाजासाठी अधिकाधिक सामाजिक सेवा घडो”. हा पुरस्कार परिमल निकम यांच्या वडिलांना देखील २००६-०७ मध्ये मिळालेला आहे. त्यामुळेच निकम परिवाराचे सामाजिक कार्य समाजासाठी मोठे असल्याची भावना सुरेश बनसोडे यांनी व्यक्त केली.
परिमल निकम यांनी समाजाबद्दल जे सामाजिक कार्य केले त्याची दखल घेतलेली गेल्याचा आनंद आहे. या पुरस्कारामध्ये समाजाचे देखील योगदान आहे. त्यामुळे समाजाचे देखील आभार मानतो. या पुरस्कारानंतर देखील समाजासाठी सामाजिक कार्य करण्याची जबाबदारी वाढली आहे. ते चालू ठेवणार आहे, असे सांगितले.
